سنه جديده
... سنه جديده
هتختلف يعنى عن اللى قبلها ياترى ؟؟؟
... اكيد هتختلف
لان كل حاجه بتتغير الا قانون التغير
عندى امل انها تكون سنه سعيده
عندى امل اسمع فى نشرة الاخبار بكره ان امريكا سابت العراق
واسرائيل سابت فلسطين
والعرب بقوا ايد واحده
وافريقيا بقت قاره متحضره
والسودان عرفت ازاى تستعمل مواردها وتصدرها للخارج كمان
ومصر بلدنا تبقى جمهوريه بجد .. مش مملكه
ومجلس الشعب يحل قضايا الشعب
والحكومه تبطل سرقه وتتقى الله فينا
وكل خريج يلاقى وظيفه كويسه يعيش منها
واعرف اروح انتخب من غير مااكون خايفه من البلطجيه
والمعتقلات يبقى عليها مراقبه من جمعية حقوق الانسان
وحبيب العادلى ياخد استماره سته
ونستغنى عن معونة امريكا
ونصدر القمح للعالم كله زى مان
والمستشفيات الجامعى ومستشفيات الطوارىء يبقى فيها دكاتره وتبقى نضيفه
ونتعامل بآدميه شويه عشان نحس ان مصر بلدنا فعلا مش بلدهم وبس
وكفايه كده عشان مبقاش طماعه :s
واخترناه .. اخترناه .. والله يكرمك ياريس :d

ياخساره

هيا مصر فعلا كده ؟؟؟؟
انا بسمع الاخبار وبقرا جرايد وبتناقش دايما مع اصحابى فى السياسه
اه عارفه ان الواقع زفت
بس عمرى ماكنت اتخيل انه بالسواد ده
جايز لانى بحب مصر ولسه عندى امل
او جايز لانى لسه بفكر زى الاطفال ومعتقده ان كل حاجه هتتصلح
وان الكبار عارفين كل حاجه وان لسه فى خير وحق وعدل !!!؟؟
ياخساره يا مصر
ياخساره يا بلدى
ياخساره صدمتينى
لسه بحبك
بس
بحذر

وبعدين

وبعدين يا دنيا
لحد امتى هتضايقينى
لحد امتى هتخنقينى
سيبينى شويه بس ارجوكى
اه لو تحبينى شويه

مخنوقه

عنبه وماله

......

قلبى بيوجعنى ....
حبيبى سلامتك
سلامة ابتسامتك

حبيبى

انا مضايقه اوى ...
حاسه انى متكتفه ومش قادره اعمل حاجه
حبيبى محتاجنى .. بس مش هقدر ابقى جنبه
يارب احفظه
يارب احفظه يارب احفظه

امنيه ما ..

لا اعرف ما هذه الامنيه السخيفه التى تراودنى منذ أيام ...
اتنمى ان يقدم لى احدهم باقه من الزهور ..
هذه الامنيه تتسلط علىَ بشكل غريب هذه الايام ...
انساها قليلا او اتناساها .. ثم تعود للالحاح علىَ...
ولكن ماذا افعل ..؟ لا يبدو ان هناك شخص ما يريد اهدائى زهور ..
ولكن من يدرى .. ربما استيقظ فى الصباح لاجد من يهدينى باقه من الزهور الحمراء ..ويجثو على ركبتيه فى هيـــــام....

احنا النهارده ايه ...

احنا النهارده ايه فى ايام السنه ؟؟
شتا ولا صيف ؟؟
وفين انا ..؟ ايه اللى وصلنى هنا ؟

*********
يا حبيبى كل شىء بقضاء
ما بايدينا خلقنا تعساء

-------

لم يَعُد ثمّةَ أطلال لكي نبكي عليها.كيف تبكي أمَّةٌ أخَذوا منها المدامعْ؟؟ نزار قباني